Iloilo City — I-rekomendar sang Iloilo City Loop Alliance of Jeepney Owners and Drivers Association (ICLAJODA) kay Public Safety and Transportation Management Office (PSTMO) Head Jeck conlu nga i-rehab ang mga traffic aides nga ginareklamo nagapangilkil sa mga drivers.

Kasunod ini sang pahayag ni ICLAJODA President Raymundo “Boyet” Parcon nga madamu nga jeepney drivers ang naka-eksperyensya man sang pagpangilkil sang pila ka traffic aides.

Suno kay Parcon, katuyuan sang ila rekomendasyon nga matinluan sang PSTMO sang mga salawayon nga traffic aides.

Pamangkuton ni Parcon ang mga presidente sang transport associations kun sin-o nga mga traffic aides ang nagapangayo-kayo sa mga drivers.

Una na ginpahayag ni Parcon nga mahimo sila sang position paper kag i-sumiter kay Conlu angut sa pagpangilkil sang pila ka traffic aides kasunod sang nagtuhaw nga reklamo batuk kay traffic aide Jumarie Dusaban nga anay assigned sa Molo plaza. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply