MORE Power, nagalaum nga i-grant ang application para sa CPCN agud maka-operate sa Iloilo City

Iloilo City — Nagalaum ang MORE Electric and Power Corporation nga i-grant ang ila application para sa Certificate of Public Convenience and Necessity (CPCN) agud mangin power distributor sa Iloilo City.

Suno kay Mr. Jonathan Cabrera, spokesperson sang MORE, nagapanindugan ang Panay Electric Company nga indi dapat pag-i grant ang CPCN bangud wala pa sang distribution asset bilang bag-o nga power distributor ang MORE.

Pero sa requirement sang Energy Regulatory Commission, technical kag financial capabilities lang ang basehan agud makakuha sang CPCN. Nagpabutiyag si Cabrera nga na-comply man ini sang MORE.

Duha ka hearing na ang ginhimo sang ERC pero posible nga isa na lang ka hearing ang matabu agud madesisyunan ang pag-grant sang CPCN.

Sa Abril 24 suno kay Cabrera gina-ayu sang PECO nga ma-presentar naman sila agud i-discredit ang technical kag financial capabilities nga gin-presentar sang MORE pero depende pa kon pasugtan ini sang ERC. (JoMaque)