Ika-118 nga Semana sang Iloilo, nagsugod na

Iloilo City — Magabukas subong nga aga, Abril 8 ang isa ka semana nga selebrasyon sang ika-118 nga Semana sang Iloilo nga may tema nga “Iloilo: Banwang Pinalangga, Puno sang Bugana.”

Maga-umpisa ini sa street dance/opening parade sang tanan nga mga empleyado sang Iloilo Provincial Capitol halin sa Sunburst Park pakadtu sa Provincial Capitol Grounds las 7 sa aga. 

Ini ang pagasundan sang regular flag ceremony las 8 sa aga, misa sa las 9 sa aga kag opening program sa alas 10 sa aga.

Lakip sa mga aktibidad subong nga adlaw ang Battle of the Bands kag Zumba Dance.

May yara man sang naka-schedule nga mga aktibidad sa Abril 10 kag 11 pareho sang launching sang Iloilo Provincial Archives and Library System; surgical mission Operation Tuli; Coop Congress; Inter-Municipal Hiligaynon Vocal Duet Competition and Inter-Municipal Folk Dance Competition; Service Recognition kag Pasidungog 2019 ukon pagkilala sa mga recipients sang Iskolar sang Iloilo.

Magatakup ang selebrasyon sa Abril 12 paagi sa pagahiwaton nga vocal solo contest kag latin dance contest nga exclusive lang para sa mga Capitol employees.         

Ang Semana sang Iloilo ginasaulog bilang pagdumdom sa pag-establisar sang civil government sang Iloilo province sang Abril 11, 1901. (JoMaque)