PDEA 6, nagpaandam batok sa mga peke nga pdea agents nga nagapangilkil
Region 6– Ginpaandaman ni Philippine Drug Enforcement Agency ukon PDEA 6 Officer-in-Charge Alex Tablate ang mga peke nga PDEA agents nga nagapangilkil.
Ginhimo ini ni Tablate pagkatapos nakabaton sang impormasyon sang PDEA Regional Office 6 nga may mga nagapakilala nga PDEA officers nga naga-courtesy call sa mga establishmento kag talatapan kag nagapangilkil sang kwarta kag iban pa nga mga bagay nga ila mapuslan.
Wala naman ginatolerar sang PDEA 6 ang anuman nga sahi sang extortion bangud nagaguba ini sa imahen sang ila ahensya.
Naga-apelar naman si Tablate sa publiko nga kon may na-experensiyahan sila nga kasubong nga modus, magpakig-angut gilayon sa ila talatapan.// Sarang makatawag sa numero 337 16 00. (JoMaque)