Iloilo – Malapit isa ka bilyon ka pesos na ang balor sang kahalitan sang sobra nga init dala sang weak El Niño sa kahumayan sa probinsya.

Suno kay Provincial Agriculturist Dr. Ildefonso Toledo, base sa ila report as of March 31, 2019, nagalab-ut na sa 26,000 ka ektarya sang humayan ang apektado. Wala pa sang report nga ginpalab-ut sa opisina ni Dr. Toledo angut naman sa kahalitan sa iban nga pananum.

Halos tanan naman nga banwa ang apektado sang sobra nga init pero may daku nga kahalitan sa mga nagasalig sa rainfed farming pareho sang Lambunao kag parte sang Sta. Barbara.

‘CLOUD SEEDING’
Gina-assess pa sang Provincial Agriculture Office ang suhestyun ni Agriculture Secretary Emmanuel Piñol nga cloud seeding.

Pa-athag ni Dr. Toledo, nagahulag ang panganod kag posible imbes nga sa target areas, magatupa ang ulan sa mga high-value crops kon tig-ilinit pareho sang sandiya kag pahu.

Nagalaum na lang si Toledo nga indi maglawig ang El Niño kag maulan na sa Mayo ukon Hunyo agud makabawi ang agrikultura.  (JoMaque)


By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply