Mayor Joe Espinosa, nagtawag sa NBI agud pa-imbestigaran ang iya ginpahayag ‘sindikato’ sa Iloilo Terminal Market

Iloilo City – Pa-imbestigaran ni Mayor Joe Espinosa sa National Bureau of Investigation ang iya ginpahayag nga sindikato sa Iloilo Terminal Market.

Suno sa alkalde, may nagpahibalo sa iya angut sa modus nga ginasukot sang private person ang mga vendors sa ila ginagamit nga lamesa kag bisan sa ginahapin nga mantel.

Dapat suno kay Espinosa nga arkabala lang ang ginabayran sang vendors.

Nagtenir ang alkalde sang apat ka oras sa terminal market kaina sang hapon agud suno sa iya “mapatuman ang order sa merkado.” (JoMaque)