3 tubtob 10 fish vendors sa Iloilo Terminal Market, nagapanukot para sa lamesa nga ginahulam sang iban nga vendors base sa impormasyon – LEEO Head

Iloilo City – Nakalab-ut na kay Local Economic Enterprise Office (LEEO) Head Ariel Castañeda ang impormasyon nga may mga nagapanukot para sa ginagamit nga lamesa sang pila ka vendors sa Iloilo Terminal Market.

Suno kay Castañeda, tatlo tubtob 10 ka fish vendors ang ginpahayag nga nagapanukot sa iban nga fish vendors nga magamit sang lamesa lakip na ang ginahapin nga mantel kon kaagahon.

Base sa impormasyon suno kay Castañeda, P50 ang sukot sa kada lamesa.

Ginpabutyag ni Castañeda nga indi dapat magpanukot ang mga vendors bangud wala gin-authorize sang LEEO. Kon mapamatud-an ang modus kag ma-identify ang involved, nagpasalig si Castañeda nga ipatawag ang mga ini kag hambalan nga indi pwede ang ila ginahimo.

Abril 11 sang gintawgan ni Mayor Joe Espinosa ang NBI agud pa-imbestigaran ang iya gintawag ‘sinindikato’ sa Iloilo Terminal Market. (JoMaque)