Candidates’ Forum sang Aksyon Radyo Iloilo kag UPV sa pagka-mayor sa Janiuay, nangin mainit
Iloilo — Nangin mainit ang pagsabtanay sang duha sa apat ka nagapadalagan sa pagka-mayor sa Janiuay sa Candidates’ Forum sang Aksyon Radyo Iloilo kag UP Visayas kahapon, Abril 12
Kasunod ini sang panghangkat ni Vice Mayor Jojo Lutero kay anay Mayor Frankie Locsin nga ipakita sa taga-Janiuay ang ginpahayag sang anay alkalde nga order sa Korte Suprema nga ibalik sa Sandiganbayan ang iya kaso para sa review.
Si Locsin ang gin-convict sang Sandiganbayan sa kaso nga graft angut sa unlawful nga pag-award sang mga medical supplies nga kontrata sang 2001.
Suno kay Locsin, ipakita niya kay Lutero ang mandu sa SC.
Ginhangkat pa ni Locsin angang bise alkalde nga ma-withdraw ini sa pagpadalagan kon ipakita niya ang order subong nga adlaw.
Nagsabat si Lutero nga indi siya mag-isol bangud may klaro siya nga plano para sa Janiuay.
Nagsabat naman si SB Member Paul Parian sa pamangkot ni Locsin kon ano ang iya ginhimo sa ginpahayag nga kwestyunable nga mga programa ni Mayor Jojo De Paula pareho sang sports program sa Lambunao nga ginpalapaw ang pondo suno sa anay alkalde kag na-food poison pa ang mga naghampang.
Depensa naman ni De Paula, isolated lang ang natabu kag indi food poisoning. (JoMaque)