Iloilo City — Gin-untat na sang Internal Affairs Service ang ila motu propio investigation sa kontrobersiyal nga pagserbe sang search warrant sang mga miembro sang PDEA 6 kag Regional Drug Enforcement Unit sa balay sang pamilya Regalado sang Disyembre 2018.

Suno kay Police Major Manny Manuel sang Internal Affairs Office, ginkunfirmar sang pamilya Regalado nga nakapasaka na sila sang kaso sa Ombudsman angut sa natabu.

Gin-untat sang IAS ang ila imbestigasyon agud malikawan ang forum shopping sa amo nga kaso.

Nagpadala naman sang sulat ang IAS sa Ombudsman sa pag-verify sang impormasyon apang wala pa sang may nabaton nga sabat.

‘MANDU NI RD’

Matandaan, ginrekomendar sang Regional Investigation and Detection Management Division ang pag-conduct sang motu propio investigation sang IAS sa amo nga issue.

Gin-aprubahan man ni PRO 6 Director Brigadier General John Bulalacao ang rekomendasyon nga ang kaso “be temporarily shelved off without prejudice to the reopening of the same if substantial, clear, and corroborating evidence will be presented later.”

Disyembre 13, 2018 sang ginserbe sang mga personnel sang PDEA 6 kag RDEU sa pagpanguna sang ila anay team leader nga si Police Captain Kennith Bermejo ang search warrant kay Nilda Regalado.

Magluwas kay Nilda, arestado man ang iya bana nga si Arnulfo kag mga bayaw nga kanday Leo kag Cyril Regalado.

Una na nagreklamo ang Regalado matriarch nga si Candelaria nga nadula ang ila mga alahas balor P2.4-Million kasunod sang operation sang RDEU kag PDEA.

Nanindugan man si Mrs. Regalado nga ‘planted’ ang mga ebidensiya batuk sa iya himata kag ginliso man ang ila mga CCTV cameras sang mga operatiba. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply