ILOILO CITY — Gin-dismiss sang Public Safety and Transportation Management Office si Traffic Aide Joemarie Dusaban bangud sa reklamo sa iya nga nagapangilkil.

Suno kay PSTMO head Jeck Conlu, napamatud-an sang ila Investigation Team nga nagapangilkil gid man si Dusaban sa mga drivers. Subong nga adlaw, Abril 12, ang katapusan ni Dusaban kag indi na siya makabalik sa Lunes.

Indi na pag-ihambal pa ni Conlu kun ano ang mga reasonable grounds kag kun paano ginhimo ang imbestigasyon.

Suno pa kay Conlu, magaserbe ini nga pahanumdom sa iban pa nga mga traffic aides nga may one-strike policy lang ang PSTMO.

Dugang pa ni Conlu, naglumaw-lumaw pa ang mga mata ni Dusaban sang ginhambal niya ang ila desisyon .

Matandaan nga ginreklamo si Dusaban paagi sa Aksyon Radyo nga nagapangilkil. Gindakop niya ang tagreklamo bangud ginpahayag defective ang headlight kag ginsukot sang P500.

Si Dusaban ang na-assign sa Molo District, malapit sa Molo Plaza, kag naga-duty halin ala una tubtob alas nwebe sa gab-i. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply