Iloilo — Patay ang 11-anyos nga bata nga ginpahayag may ‘special needs’ sa Banate, matapos nga nagbitay gamit ang plastic rope binder sa sulod sang ila balay pasado las 2 sang hapon kahapon, Abril 12.

Suno kay Police Captain Genesis Roque, hepe sang Banate Police Station, naabtan na lang sa iya magulang ang bata nga nagaluhod sa sala sang ila balay nga may nakahigot nga plastic rope sa iya li-og.

Gilayon nga nagpangayo sang bulig ang magulang sa barangay kag ginhingagaw dala ang iya manghod sa Barotac Viejo District Hospital apang gindeklarar nga dead-on-arrival.

Wala sang upod ang bata sa ila balay sang natabo ang insidente.

Dugang pa ni Captain Roque, base man sa ila pagpangusisa sa pamilya, masami sadtu nagalango-lango ang bata nga mahikog.

Nagapati ang pulis nga wala sang foul play sa pagkamatay sang bata kag isa sa mga ginalantaw nga rason amo ang problema sa pamilya. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply