Manila — Nagmandu ang Commission on Higher Education (CHED) sa tanan nga state universities and colleges (SUCs) kag local universities and colleges (LUCs) nga magsugod sang school year sa Agosto umpisa sini nga Academic Year 2019- 2020.

Napetsahan ang memorandum sang Abril 5 nga ginpapanaug ni CHED Chairman Prospero de Vera Jr., na-address sa mga CHED officials kag heads sang SUCs kag LUCs.

-*-

WVSU, I-IMPLEMENTAR ANG ACADEMIC CALENDAR SHIFT SUBONG NGA SCHOOL YEAR

Maga-implementar sang academic calendar shift ang West Visayas State University lakip na ang tanan nila nga external campuses.

Ini ang ginkunfirmar ni Dr. Luis Sorolla Jr., presidente sang WVSU.

Ginduso ang lihok agud malinyada sa budgeting scheme sang Department of Budget and Management ilabi na nga libre ang tuition sa mga estudyante sa State Universities.

Dugang niya, paagi sini, mapatigayon man ang student mobility indi lang sa pungsod kundi sa iban pa nga mga pungsod.

Magasugod sa Agosto kag magatakop sa Mayo sa masunod nga tuig ang school year 2019-2020 kag ipatuman man ini sa elementary kag sekondarya sa WVSU. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply