1 patay sang natumba ang Ceres Bus sa Negros Occidental

Negros Occidental — Isa ang patay, 39 pa ang pilason sang natumba ang Ceres bus sa Barangay Pacol, Bago City, Negros Occidental kaina, Abril 15.

Ginconfirmar ni Captain Reynaldo Severino, deputy chief sang Bago City Police Station, nga napatay ang pasahero nga si Ana May De Claro, 28 sang Barangay Ma-ao, Bago City.

Suno kay Captain Severino, paliko ang bus pakadto sa Barangay Ma-ao sang nag-preno ang driver nga si Aimer Paro, 28 sang Sipalay City, pero nagpilit ang pedal sang brake gani nag-isi-isi ang bus tubtob natumba. (AGB)