Electrical problem, ginatudlo rason sang sunog sa factory sang Mandaue Foam sa Pavia

Iloilo — Electrical in nature nga ginapatihan sang Bureau of Fire Protection nga ginhalinan sang sunog sa factory sang Mandaue Foam sa Mali-ao, Pavia kahapon sang hapon, Abril 16.

Sa initial nga imbestigasyon ni Pavia Municipal Fire Marshall Fire Inspector Arnold Dimaano, na-over heat ang grinding machine kag naglupok resulta sang pagtuhaw sang kalayo.

Suno kay Dimaano, nagmakot ang kalayo sa mga retaso nga foam kag madasig nga naglapta.

Gindala naman sa ospital ang empleyado sang Mandaue Foam nga si Jerson Bermejo nga napilasan sa ulo pagkatapos nahulogan sang jalousie window glass samtang nagabulig palong sang kalayo.

Gina-imbestigaran pa sang BFP ang kahalitan sa sunog. (JoMaque)