Calinog —- Nadakpan ang ginpasuni opisyal sang New People’s Army kasunod sang engkwentro sang mga terorista kag soldado sa Sitio Cumbong, Barangay Masaroy alas- 6:20 kahapon sang aga, Abril 16.

Suno kay Lieutenant Colonel Joel Benedict Batara, commanding officer sang 61st Infantry Battalion, gin-operate sang mga soldado ang kapin 10 ka miembro sang Igabon Platoon sang Central Front Panay sang NPA matapos nakabaton sang impormasyon nga nagapa-amolya sila sa lugar.

Naglawig sang tubtob 10 ka minutos ang engkwentro tubtob nga nagpalagyo ang mga terorista suno kay Batara.

Wala sang may napilasan sa tropa sang gobyerno.

‘NADAKPAN’

Nadakpan naman si alyas Fernan nga pumuluyo man sang amo nga lugar suno kay Batara.

Dugang niya, Finance and Logistics Officer sang Igabon Platoon si Fernan.

Na-recover man kay Fernan ang 1 ka rifle cal.30 M1 Garand, 1 ka modified M79 GL, 1 ka 12 gauge home made shot gun, 1 ka cal .38 revolver, 4 ka rifle greande, 1 ka clips nga may bala sang cal. 30 kag walo ka rounds sang 40 mm nga bala, 1 ka bandoleer.

Nakuha man sa arestado ang mga bala, subversive documents kag mga medical supplies.

Ginturn-over na sang mga soldado sa Calinog police si Fernan.

Ginakuhaan pa sang Aksyon Radyo Iloilo sang pahayag si Fernan. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply