MDRRMC Sta. Barbara, nag-convene; Pagdeklarar sang state of calamity, ginduso

Sta. Barbara, Iloilo – Nagdihon sang resolution ang Municipal Disaster Risk Reduction and Management Council kahapon sang aga, Abril 16, agud ipa-idalum sa state of calamity ang banwa.

Tuyo sini suno kay Mayor Dennis Superficial nga magamit ang P9 million calamity fund agud masolusyunan ang epekto sang sobra nga init dala sang El Niño.

Isumiter sang alkalde ang MDRRMC resolution sa Sangguniang Bayan agud mapa-agenda sa session sa masunod nga semana. 

Lima ka banwa na sa Iloilo ang nagdeklarar sang state of calamity bangud sa epekto sang El Niño: Bingawan, Lambunao, Maasin, Janiuay kag San Dionisio. (JoMaque)