Transport group ICLAJODA, nagsulat sa PSTMO agud ma-aksyonan ang padayon nga operasyon sang mga barkers sa siyudad

Iloilo City – Napuno na ang mga jeepney drivers sa mga ginapanghimo sang mga barkers kag wala ginasaway sang mga traffic aides.

Suno kay Iloilo City Loop Alliance of Jeepney Owners and Drivers Association (ICLAJODA) President Raymundo ‘Boyet’ Parcon, ini ang rason nga nagsulat sila kay PSTMO Head Jeck Conlu agud ipalab-ot ang reklamo sang mga drivers.

Malapnagon gihapon suno sa iya ang operasyon sang mga barkers kag wala ginasaway sang mga traffic aides bisan may ordinansa nga nagadumili dire.

Kanugon suno kay Parcon sang P20 nga ginahatag sang mga drivers sa mga barkers bangud padayon nga nagasaka ang presyo sang gatong.

Base sa reklamo sang mga drivers suno kay Parcon, P20 ang ginapangayo sang barker bangud ginatungaan pa nila ang traffic aide. (JoMaque)