Iloilo (UPDATE) – Nadakpan sang Abril 19 si Bhrix Sarin sang Candoni, Negros Occidental nga ginatudlo mastermind sa pagpalagyo sang tatlo ka preso sa custodial facility sang Sta. Barbara Police Station sang Abril 11.

Suno kay Police Captain Jose Rey Pabalan, hepe sang Sta. Barbara MPS nga nakabaton sila sang impormasyon nga naga-ubra sa car wash shop si Sarin sa Buhang, Jaro.

Gilayon sila nga nag-conduct sang follow-up operation kag nakumpirmar nga naga-trabaho gidman sa car wash shop si Sarin.

Sang ginkadtuan sang mga police, wala sa lugar si Sarin bangud nag-upod siya sa mga kaupod sa trabaho sa outing sa beach resort sa Oton.

Nag-coordinate suno kay Pabalan ang Sta. Barbara police sa Oton police agud dakpon si Sarin.

Nagtuyo pa siya nga magpalagyo pero nagmadinalag-on ang mga police.

Balik sa presuhan si Sarin.

Samtang, nakuhaan sang isa ka sachet sang suspected shabu sang ginrekisa antes ginsulod sa presuhan si Sarin.

Magapangatubang siya sang dugang nga kaso suno kay Pabalan nga resisting arrest kag paglapas sa Comprehensive Dangerous Drugs Act of 2002 bangud sa nakuha nga suspected drug. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply