Iloilo City (UPDATED)– Patay ang job hire matapos nabun-an sa ila fiesta sa Barangay Gloria, City Proper kahapon, Abril 21.

Ginkilala ang biktima kay Manuel Pasinag, 56 anyos kag job hire sa Iloilo City Hall samtang suspek naman ang traffic aide nga si Melchor Alivas, 44 anyos, pareho nga residente sang amu nga lugar.

Suno kay Police Staff Sergeant Alberto Espinosa sang Police Station 1, magkaupod nga naga-inom-inom ang duha sang nag-eskandalo ang suspek.

Ginsaway sang iya kaupdanan si Alivas nga posible iya ginkaakig.

Ginpahayag nga nagpauli ang suspek kag nagkuha sang kutsilyo.

Ginsundan siya ni Pasinag agud punggan kuntani pero ginbuno siya ni Alivas sang makapila ka beses.

Napilasan ang biktima sa wala nga ilok, sa guya kag dughan kag dead-on-arrival sa Iloilo Doctor’s Hospital.

Hinubog kag wala pag-intindihanay ang ginasundan nga motibo sang mga pulis.

At large ang suspetsado.

DEPENSA SANG ASAWA SANG SUSPEK

Ginpanginwala sang asawa sang traffic aide nga bana niya ang nagbuno-patay kay Pasinag.

Suno kay Maricel Alivas, asawa sang suspek nga si Melchor, wala nakaguwa sa ila balay ang iya bana.

Sa pagkamatuod suno sa iya ang pila ka barangay officials pa ang nagsulong sa ila balay.

Ginpunggan niya nga makasulod sa ila balay ang mga opisyal agud malikawan ang kinagamo.

Ginpanginwala man niya nga nakasulod sa ila balay ang biktima. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply