Cabatuan, Iloilo — Gindala sa Western Visayas Medical Center si Lorenzo Sara Jr., 20 anyos sang Brgy. Lag-an matapos nabun-an sang iya pakaduha kahapon, Abril 20.

Suspect sa pagpangbuno si Julius Sara.

Suno kay Police Staff Sergeant Rinan Lanado, imbestigador sang Cabatuan Police Station, posible kalain sang buot ang motibo sa insidente.

Ginpa-blotter sadto suno sa iya sang suspect ang biktima bangud ginlambatan siya ni Lorenzo nga may bit-bit nga binangon.

Antes sang insidente, ginbangga-an ni Lorenzo si Julius kag ginkomprontar angut sa iya ginpa-blotter.

Pero ginpahayag nga ginbuyayaw ni Lorenzo ang iya pakaduha nga posible ginkalain naman sang buot ni Julius rason nga nabun-an niya ang biktima.

Napilasan sa ulo kag sa wala nga kilid malapit sa ilok ni Lorenzo nga padayon nga ginabulong ospital.

Nag-surrender naman sa pulis si Julius kag na-recover man ang iya gingamit nga kutsilyo.

Ginahulat sang Cabatuan police ang desisyon sang pamilya ni Lorenzo kun mapasaka sang kaso batuk kay Julius. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply