Bacolod City (UPDATE) — Nagapati ang pamilya sang retired police major nga pwersa ginkuha sang mga armado nga lalaki sa Bacolod City nga posible may kaangtanan ang natabu sa kaso nga ginpasaka batuk sa biktima angut sa iya ginpahayag kaangtanan sa illegal drug trade.

Suno kay alyas Gel, bata ni Retired Police Major Lito Pirote, gin-dismiss sang Department of Justice (DOJ) ang ginpasaka nga kaso batuk sa ila amay sang Abril 15, 2019 apat ka adlaw antes ang papwersa nga pagkuha sa iya.

Posible man suno sa iya nga may nabungguan nga drug personality si Pirote bangud kapin 30 ka tuig siya nga nagserbisyo sa Anti Illegal Drugs Group antes ginhingadlan ni Presidente Rodrigo Duterte nga nalakip sa drug matrix.

Handa naman ang pamilya Pirote nga makig-negosyar sa mga suspetsado.

Pero suno kay Gel, wala pa sang may nagtawag sa ila kag nagalaum nga makit-an na ang ila amay kag makapauli nga safe.

Nag-apelar man si Gel kay Presidente Rodrigo Duterte kag sa iban pa nga mga ahensiya sang gobyerno agud mapadasig ang imbestigasyon. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply