Eastern Samar, nagligom-dulom kasunod sang 6.5 magnitude nga linog sa San Julian
Eastern Samar – Nagligom-dulom ang bilog nga Eastern Samar kasunod sang 6.5 magnitude nga linog sa San Julian kahapon sang hapon, Abril 23.
Ini ang ginkumpirmar ni City Disaster Risk Reduction and Management Officer Jaime Voces sang Borangan City.
Suno kay Voces, wala pa sang paathag ang power distributor sa pagkadula sang suplay sang elektrisidad.
Wala man sang gin-report nga may napilasan sa insidente pero may paglitik sa pila ka mga imprastraktura.
Nag-evacuate naman ang mga residente particular ang naga-istar sa coastal barangays kag nagsaka sa mga mataas nga lugar.
Protocol na suno kay Voces ang pag-evacuate sang mga residente kun may kalamidad agud makalikaw sa disgrasya. (JoMaque)