Iloilo City – Dakup sa buy bust operation ang mag-abyan nga sanday Joleo Gregorios, 25 kag Ruffa Jane Rodrigo, 27 sa Caingin, Lapaz kagab-i, Abril 24.

Duha ka bulto sang suspected shabu, P20,900 nga boodle money kag P100 nga buy bust money ang na-recover sang mga pulis sa duha.

Suno kay Police Senior Master Sergeant Alfred Tilano sang City Drug Enforcement Unit (CDEU), gin-monitor nila ang illegal nga aktibidad ni Rodriguez.

Nagabaligya sang illegal nga druga suno kay Tilano si Rodriguez sa iya mga abyan kag naga-suplay naman sa iya amu si Gregorios.

Ginhimo ang operasyon sang gintingub nga pwersa sang CDEU kag Regional Drug Enforcement Unit (RDEU).

Preso ang duha sa Lapaz Police Station.

Nagpamalibad naman sila nga magpa-interview sang ginkuhaan sang pahayag sang Aksyon Radyo Iloilo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply