State of calamity, gindeklarar sa Iloilo City

Iloilo City – Unanimously approved sa City Council ang rekomendasyon sang City Disaster Risk Reduction and Management Council (CDRRMC) nga ipaidalom sa state of calamity ang syudad.

Aprubado nanday Councilors Ed Peñaredondo, Joshua Alim, Plaridel Nava, Liezl Salazar, Candice Tupas, Mandrie Malabor, Lyndon Acap kag R. Leone Gerochi ang resolution.

Ini matapos ginpaathag ni CDRRMO head Donna Magno nga kinahanglan sang syudad nga magdeklarar sang state of calamity bangud apektado na ang masobra 20% sang populasyon, may destruction sang agricultural crops, kag may disruption sang lifeline.

Paga-istoryahan naman sang CDRRMC kaupod ang MIWD kag ni City Administrator Atty. Hernando Galvez kun paano ang i-deliver ang tubig sa syudad. (JoMaque)