Iloilo — Hinubog ang ginapatihan rason sang paglab-anay sang duha ka lalaki sa Brgy Buyu-an Tigbauan sang weekend.

Napilasan sa wala nga kamot si Leopoldo Lozada, 51, matapos siya una ginlabo ni Alvin Tabaldo, 25, tanan residente sang nasambit nga barangay.

Suno kay Major Dennis Pamonag, hepe sang Tigbauan Police Station, naga-inom-inom sa guwa sang balay sang kaupod niya nga barangay tanod si Alvin sang ginsaway ni Leopoldo bangud sang gahod pasado las-dos sang kaagahon.

Posible suno kay Major Pamonag nga napikon si Alvin, gani nagpuli siya kag nagkuha sang binangon.

Ginpahayag nga nagpuli man si Leopoldo kag nagkuha sang binangon kag nagtabuay liwat ang duha sa guwa sang balay sang tanod.

Una nga nanglabu si Alvin pero nakabalos si Leopoldo rason nga napilasan sa tuo nga butkon si Alvin.

Pareho nga gindala ang duha sa ospital pero ginkumpirmar sang pulis nga lunsay minor injury lang ang naagum sang duha. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply