Barotac Nuevo, Iloilo – Arestado ang ginatudlo anay body guard ni Former Barotac Nuevo Mayor Hernan Biron (Amay nga Biron) matapos ginpahayag nagpakita-kita sang pusil samtang may naga-caucus sa Barangay Bungca kahapon, Abril 28.

Suno kay Police Captain Ken Mark Lepsia, hepe sang Barotac Nuevo Police Station, ginkilala ang arestado kay Bernie Villanueva, residente sang nasambit nga lugar.

Base sa imbestigasyon sang Barotac Nuevo police, posible nga wala nauyunan ni Villanueva ang iya nabatian sa caucus sang grupo ni Atty. Marven Daquillanea, nagapadalagan Congressman kag Punong Barangay Jose Marlo Lobaton, nagapadalagan Mayor sa amu nga banwa.

Nagkumprontahanay si Lobaton kag Villanueva rason nga naggabot sang pusil ang anay security guard.

May litrato nga nakuha ang mga pulis nga may nauyatan si Villanueva nga pusil pero wala na ini ma-recover.

Ang amu nga hitabo, nagtuga naman sang kakugmat sa mga residente.

Ginatinguhaan pa sang Aksyon Radyo Iloilo nga makuhaan sang pahayag si Villanueva kag ang mga Biron. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply