HVT drug personality, patay sa buy bust operation sa Victorias City, Negros Occidental ; Subject, gintumod ni Pres. Duterte nga bag-o nga drug group leader sa Western Visayas

Negros Occidental  — Patay ang high value target level 3 drug personality sa buy bust operation sa Estrella Subdivision, Brgy. 6,Victorias City pasado las otso kahapon sang aga, Abril 28.

Suno kay Police Lieutenant Colonel Eduardo Corpus, hepe sang Victorias City Police Office, nakamutik ang subject nga si Leoner Jalandoon, 44-anyos, nga pulis ang katransaksyon niya rason ginpahayag nagpalupok sang pusil kag nagkuha pa sang granada pero wala naglupok.

Arestado naman ang 18-anyos nga live-in partner ni Jalandoon nga si Janine Cruz.

Lakip sa mga narecover ang isa ka bulto kag 101 ka sachets sang suspected shabu balor P2.7-Million.

‘BAG-O NGA DRUG GROUP LEADER’

Ginkunfirmar naman ni Corpus nga si Jalandoon amo ang ginatumod ni Presidente Rodrigo Duterte nga nagbulos nga drug group leader sa Western Visayas.

Suno kay Police Lieutenant Colonel Eduardo Corpus, isa sa pinakadako nga drug personality sa rehiyon si Jalandoon.

Abril 12 sang nagbisita si Duterte sa Bacolod City kag nagpabutyag nga may nagbulos nga drug group sa rehiyon kag ginsiguro nga mapatay man. (JoMaque)