Iloilo— Gin-ako sang Napoleon Tumagtang Command sang NPA Southern Panay ang pag-raid sa Police Outpost sa Barangay Bancal, Alimodian sang Abril 27 sang hapon.

Sa official statement sang Napoleon Tumagtang Command nga pirmado ni Ka Ariston Remus nga ginpost sa ila Facebook Account, gina-ako nila ang pag-raid sa Highway Police Assistance Desk ukon HIPAD sa diin ginkuha nila ang M16 rifle, .9mm, cellphone kag handheld radio ni Police Corporal Jahn Jahn Anaya.

Suno sa Napoleon Tumagtang Command, nangin madinalag-on ang ila pagsalakay sa police outpost bangud sa malapad nga suporta sang mga pumuluyo.

Pamatuod ini suno sa grupo nga wala sang kamatuoran ang pahayag sang militar nga nagahuyang na ang puwersa sang NPA. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply