SSS, nag-conduct sang Run After Contributions Evaders (RACE) para sa mga employers nga wala nagahatag sang contribution

Iloilo City — Isa-isa nga ginkadtuan sang Run After Contributions Evaders ukon RACE team sang Social Security System (SSS) ang 11 ka mga establisemento sa Iloilo City kag Pavia nga wala nagahatag sang kontribusyon sa SSS sang ila mga empleyado ukon may mga under-declaration sa numero sang ila mga trabahador.

Ginbutangan sang show cause order ang guwa sang kada establisemento bilang pahanumdom sa mga tag-iya nga kinahanglan maka-comply sila sang ila mga balayran sa sulod sang 15 ka adlaw sugod subong nga adlaw, Mayo 5.

Suno kay SSS Regional Communications Officer Amiel Genova, ginpaathagan man nila ang mga empleyado sang mga benepisyo nga pwede nila ma-avail sa pag-contribute sa SSS.

Halimbawa nga indi maka-comply suno sa iya sa ginapangyo nga requirement ukon balayran ang natungdan nga establisemento, pagapasakaan sila sang kaso sang SSS kag mahimo hatagan sang mga penalidad.

Ang RACE team ginpangunahan sang presidente, chief legal officer, Senior Vice President sang SSS kag pila ka mga staff sa iban nga branches. (JoMaque)