3 arestado sa alleged vote buying sa Barotac Nuevo

Barotac Nuevo, Iloilo— Tatlo ang arestado nga ginpahayag sang police involved sa vote buying sa Poblacion Ilaya, kahapon sang hapon, Mayo 10.

Suno kay Police Captain Kenn Albert Lepsia, hepe sang Barotac Nuevo Police Station, gindakop sang intel operatives sanday Rolly Tolin, Robert Araquel kag Leticia Cataluña matapos na-recover sa ila ang tatlo ka sobre nga may sample ballot, may unod nga P1,000 kag listahan sang mga botante.

Ginpahayag ni Lepsia nga ang tatlo ka sobre naghalin sa kampo sang mga Biron kag Garin pero subject pa sa verification.

Presu na ang tatlo sa karsel sang Barotac Nuevo Police Station kag natalana pasakaan sang kaso. (JoMaque)