Iloilo City — Nagpamalibad na mga magkomento ang Department of Health 6 angut sa kontrobersiyal nga pag-avail ni Dr. Ramon Guerra Jr., medical center chief sang West Visayas State University Medical Center, sang kapin P130,000 nga medical assistance nga para kuntani sa mga pigado.

Ginkuhaan sang Aksyon Radyo Iloilo sang pahayag si DOH 6 Director Marlyn Convocar apang gin-refer niya ang concern kay Dr. Ma. Sophia Pulmones, head sang Local Health Support Division sa DOH 6.

Ginkuhaan sang Aksyon Radyo Iloilo sang pahayag si Dr. Pulmones apang nagpamalibad na siya nga magpa-record sang interview.

Una na gin-report nga lakip sa ginpadala nga report sang DOH 6 sa DOH Public Assistance Office ang kontrobersiyal nga pag-avail sang medical assistance ni Dr. Guerra.

Nagpadala man sang sulat ang Aksyon Radyo Iloilo kay Health Secretary Francisco Duque III apang wala man siya nakasabat.

Base sa DOH Administrative Order No. 2016-0010, indigent ukon pigado lang nga mga pasyente ang mahimo maka-avail sang medical assistance program. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply