Congressman-elect Jam Jam Baronda, handa na sa pagtrabaho matapos ginproklamar nga nagdaug sa midterm elections

Iloilo City — Handa na si Iloilo City Congresswoman-elect Jam-Jam Baronda sa pagtrabaho matapos ginproklamar nga nagdaug sa midterm elections.

Suno kay Baronda, nakalinyada na ang mga legislations nga iya iduso kon magsugod siya sa pagpangalagad.

Nagpasalamat si Baronda sa mga nagsuporta sa iya kag nagpasalig nga balikan niya sang maayo nga serbisyo ang paghatag sa iya sang tsansa agud mangin labing una nga babaye nga kongresista sa lone district sang syudad.

Mapatawag si Baronda sang meeting subong nga semana sa lain-lain nga sektor nga iya plano himuon nga advisers.

Mapa-misa man si Baronda bilang pagpasalamat sa Ginoo sa iya kadalag-an.         

Isa sa mga una nga iduso ni Baronda kon makapungko na sa Kamara ang legislative agenda nga pagdugang sang hospital beds sa Western Visayas Medical Center. (JoMaque)