Mayor Joe Espinosa, nagpasalig nga mabalik sa politika matapos napierde kay Cong. Jerry Treñas

Iloilo City — “I shall return”

Ini ang ginpabutyag ni Mayor Jose Espinosa III matapos ang nangin resulta sang eleksyon sa pagka-alkalde sang syudad.

Sa ginhiwat nga flag raising ceremony sa atubang sang mga empleyado sa City Hall kahapon, Mayo 14, mensahe sang “reconciliation” ang ginpalab ot sang alkalde sa mga empleyado.

Ginbaton na sang alkalde ang iya kalutusan batuk sa kasumpong kag bilas nga si Congressman Jerry Treñas.

Ginpanugyanan sini nga ang mga taga-suporta sang mga pulitiko nga batunon ang resulta sang pinili-ay kag ipaiway na ang emosyon kag pag binahin bahin. (JoMaque)