Barotac Nuevo, Iloilo – Patay si Salvador Padicio Jr, 32 sang Barangay Lagubang, matapos gintiro sang iya manghud nga si Francis, 31.

Suno kay Police Captain Kenn Albert Lepsia, hepe sang Barotac Nuevo MPS, may igo sa dughan si Salvador nga gindala pa sa Don Jose S. Monfort Medical Center Extension Hospital pero gindeklarar nga dead-on-arrival.

Sa pagpangusisa sang mga pulis suno kay Lepsia, may daan na nga hiligut-anon ang mag-utod antes ang pagpangtiro pasado alas-siete subong nga gab-i, Mayo 16.

Nadakpan si Francis samtang ginturn-over sang iya amay ang .32 caliber nga pusil. Duha ka empty shells ang na-recover sa crime scene suno sa hepe. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply