Iloilo City — Arestado kanday Ian Shalom Matullano, 20 anyos sang Divinagracia, LaPaz, kag Jose Mario Reyes, 19 sang Nabitasan, LaPaz, matapos positibo nga ginkilala sang mga tagreklamo nga ila gin-hold up sa nasambit nga distrito.

Suno kay Police Senior Master Sergeant Alain Silda sang LaPaz Police Station, nakilala nila ang duha paagi sa CCTV footage sang Barangay Railway nga ginpakita nila sa tagreklamo.

Suno sa tagreklamo nga maestro, nagalakat siya sa Magdalo LaPaz kaina sang kaagahon, Mayo 18 sang ginpalapitan sang mga suspek kag gintayaan sang kutsilyo, ginkuha ang iya bag kag nagpalagyo.

Na-recover sa mga suspek ang bag sang tagreklamo nga naga-unod sang mga IDs, credit kag debit cards kag foreign currencies.

Wala na-recover ang ginabanta P2,000 nga cash sang tagreklamo nga nasulod man sa amu nga bag.

Nag-abot man sa LaPaz Police Station ang isa pa gid ka biktima nga ginhold-up sang duha ka suspek.

Ginrason naman sang mga suspek nga nagapanghold-up sila bangud nahagaran lang sang ila barkada.

Ginkumpirmar naman ni Police Senior MSGT Silda nga may mga records sa LaPaz Police Station ang duha. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply