2019 Brigada Eskuwela, himuon sa masunod nga semana

Iloilo City — Himuon sa Mayo 20 tubtub Mayo 25 ang Brigada Eskuwela subong nga tuig.

Suno kay Department of Education (DepEd 6) Assistant Regional Director Victor de Gracia Jr, una nga ginhimo ang national kick-off sang amu nga aktibidad sa Alfonso Central Elementary School sa Cavite sang Mayo 16 kag regional kick-off sa Silay City, Negros Occidental kahapon, Mayo 17.

Ginpahayag ni de Gracia nga organisado na subong nga Brigada Eskuwela bangud magluwas sa mga ginikanan, ginapasakupan man ini sang mga non-government organizations kag private entities.

Ginahimo ang Brigada Eskuwela agud masiguro nga preparado ang mga eskuwelahan sa pagbukas sang klase sa Hunyo 3.

Ang Brigada Eskuwela ukon ang National Schools Maintenance Week ang una nga ginsuguran sang 2003. (JoMaque)