Depasahero nga jeep, nahulog sa pil-as sa Miag-ao; 6, pilason

Miag-ao, Iloilo — Nahulog sa pil-as ang depasahero nga jeep nga Mina sa Barangay Mambatad kahapon sang hapon, Mayo 18.

Suno kay Police Staff Sergeant Danilo Nacional sang Miag-ao Police Station, halin sa Mina kag padulong sa beach resort sa San Joaquin ang jeep sang naaksidente.

Nadulaan sang kontrol sa manibela ang driver sang jeep rason nga naaksidente kag nahulog sa pil-as.

14 ang sakay sa jeep lakip ang driver kag anum ang nag-angkon sang minor nga kapilasan sa lawas.

Out-patient naman sa ospital ang mga napilasan. (JoMaque)