Tobias Fornier, Antique — Patay ang amay sang ginlabu sa ila balay sa Barasanan B, Tobias Fornier, Antique sang Mayo 17 sang gab-i.

Ginkilala ang biktima kay Edwin Soriano, 51 anyos nga residente sang nasambit nga lugar.

Suno sa Tobias Fornier police, naglabay ang suspek nga si Noel Tacda sa balay sang biktima sang ginlahay sang ido ni Soriano.

Nagguwa ang biktima sa ila balay agud siraduhon ang ila gate.

Pero hinali lang ini nga ginhangkat ni Tacda sang inaway. Ginpahayag nga ginsulod sang suspek ang biktima sa ila balay kag ginlabu.

Napilasan si Soriano sa liog kag likod.

Nasaksihan mismo sang bata sang biktima ang paglabu sa iya amay.

Gilayon nga gindala sa ospital si Soriano pero gindeklarar nga dead-on-arrival.

Padayon naman nga ginapangita ang suspek nga nagpalagyo matapos ang krimen. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply