Janiuay, Iloilo — Pilason ang barangay kagawad matapos nabun-an sang iya hinablos nga punong barangay sa Don Lutero East, Janiuay sang weekend.

Ginkilala ang biktima kay Barangay Kagawad Jose Mamon Jr., 62-anyos samtang suspek si Punong Barangay Rodolfo Mamon, 49-anyos pareho nga residente sang nasambit nga lugar.

Suno kay Police Captain Dadjie Delima, hepe sang Janiuay Police Station, nagpanaug sa tricycle ang kapitan nga ginpahayag naka-inom kag iya nakit-an nga naga-inom sa higad sang karsada ang biktima kaupod ang iban nga himata gani iya ginsaway.

Posible nga nagpangakig ang kagawad kag natapungolan ang kapitan matapos ginpulihan.

Nagpauli ang kapitan kag nagkuha sang kutsilyo kag ginbuno ang biktima.

Napilasan ang biktima sa wala nga butkon kag ilok nga padayon subong ginabulong sa ospital.

Desidido naman siya nga mag-file sang kaso sa iya hinablos nga presu subong sa Janiuay Police Station.

Hinubog ang ginasunod nga motibo sang Janiuay police. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply