Antique  – Nakita ang lawas ni Mary Adela Jayme, 27 sang San Jose, Antique nga napilpilan sang daku nga bato.

Suno kay San Remigio Mayor Glenn Cabigunda, nakita ang bangkay ni Jayme mga alas-kuwatro kahapon sang hapon, Mayo 20.

Padayon pa ang pagpangita sang rescue teams kay alyas Budong, 9 anyos sang Cabiawan, San Remigio.

Una nga nakita kahapon kanday Wylen Grace Dalmacio, 21-anyos sang Odiong, Sibalom, kag Alyas Ben, 16-anyos sang Cabiawan, San Remigio, pero gindeklarar nga dead-on-arrival.

Na-rescue naman kag ginabulong sa ospital si alyas Renalyn, 10-anyos nga taga-Cabiawan, San Remigio.

Ginpahayag ni Police Staff Sergeant July Job Miles sang San Remigio Police Station nga nagapaligo sa falls ang lima sang hinali lang nga nagtaas ang lebel sang tubig halin sa bukid kasunod sang pagbubo sang ulan. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply