Magtiyo, patay na kag may mga pilas sang pagkatiro sang nasapwan sa Balabago, Jaro
Iloilo City — Patay na sang nasapwan ang magtiyo sa Barangay Balabago, Jaro pasado las 5:00 subong nga aga, Mayo 21.
Ginkilala ang mga biktima kanday Jimrod Eribal, 22 sang Relocation Site, Barangay San Isidro, Jaro kag iya hinablos nga si Tristan Zacary Eribal, 19 sang Caingin, Lapaz.
Nakabaklid ang mga kamot kag ginburambodan sang transparent nga packing tape ang mata kag baba sang mga biktima.
May pilas sang pagkatiro sa magtimbang nga guya, dughan kag magtimbang nga paa si Jimrod samtang may pilas sa tiyan kag ulo si Tristan.
Antes nasapwan ang mga biktima, may nabatian nga mga lupok sang pusil ang mga residente sa lugar.
May na-recover nga mga bala malapit sa mga bangkay sang biktima.
Nakilala ang duha matapos gilayon nga nagpadulong sa lugar ang ila mga himata.
Nagapadayon ang imbestigasyon sang Jaro police sa motibo sang krimen kag identity sang mga suspek. (JoMaque)