Iloilo City – Nag-react ang Panay Electric Company (PECO) sa pahayag sang More Electric and Power Corporation nga defective ang ila pila ka mga metrohan.

Suno kay PECO Administrative Officer Mr. Marcelo Cacho, naga-ilis sang 50 tubtob 100 ka metrohan ang PECO kada adlaw.

Ginakwestyon ni Cacho kun paano gin-identify sang MORE nga defective ang ginpahayag nga duha ka libo ka mga metrohan bangud kinahanglan pa nga ipaidalum sa meter testing.

“SIGE ANG PAG-OPERATE’

Padayon ang pag-operate sang PECO bisan nag-expire na ang ila franchise sang Enero kag maga-expire ang ila Certificate of Public Convenience and Necessity (CPCN) sa Mayo 25.

Nagpabutyag man si Cacho nga nagahulat sila sa subong sang desisyon sang Energy Regulatory Commission angot sa ila CPCN.

Dugang pa niya, kon magpungko na ang bag-o nga mga elected members sang Kongreso, ma-apply sila liwat sang franchise renewal.

Wala naghulag sa Kamara ang application sang PECO kag sa baylo, ginhatagan sang franchise ang bag-uhanon nga player nga MORE. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply