Alimodian, Iloilo — May pahanugot ni Alimodian Mayor Geefre “Calay” Alonsabe ang pagbutang sang iya ngalan sa CR para sa LGBT community sa Alimodian Central Elementary School.

Suno kay Alonsabe, nahibaluan sang mga pumuluyo sa banwa nga self-confessed LGBT member siya gani wala sang problema kon ibutang ang iya ngalan sa amu nga CR.

Wala man ini nagakahulugan suno sa iya nga “exclusive” para sa iya ang CR.

Bisan si Mr. Noel B. Barrientos, Principal III sang ACES, ang nag-athag nga nagkonsulta sila kay Mayor Alonsabe sa pagbutang sang iya ngalan sa LGBT CR.

Ginpabutyag ni Alonsabe nga kabahin sang Gender and Development Program sang Department of Education ang pagbutang sang amu nga CR.

Nagapanguna nga katuyuan sini suno sa iya nga mahatagan sang importansya ang personal necessity sang mga miembro sang LGBT community kag malikaw man sila sa bullying. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply