Call center agent nga natiruhan sa Mandurriao, kritikal sa ospital

Mandurriao, Iloilo City — Kritikal ang kondisyon sang 34-anyos nga call center agent matapos gintiro sa guwa sang ila opisina sa Barangay Airport, Mandurriao sang Mayo 24 sang gab-i.

Suno kay Police Major Marlon Valencia, hepe sang Mandurriao Police Station, naga-istorya ang biktima nga si Rana Reyes, tumandok sang Pavia, sa duha ka wala makilal-an nga mga lalaki antes nakabati ang duha ka security guards sang kapin tatlo ka lupok kag nasapwan ang biktima nga duguon.

Padayon nga ginabulong sa ospital ang biktima nga may pilas sa liog.

Wala sang may narecover sa crime scene suno sa pulis.

Wala pa man sang identity ang pulis sa duha ka mga suspetsado nga nagtiro kay Reyes.

Nagapadayon naman ang imbestigasyon sang mga pulis sa natabu. (JoMaque)