Iloilo —  Patay ang 28 anyos nga lalaki matapos ginbuno sang kaupod sa inom sa Barangay Tulahong, Maasin kagab-i, Mayo 26.

Suno kay Police Lieutenant Jose Oswald Gatuslao, hepe sang Maasin Police Station, may 13 ka pilas sang pagkabuno si Genard Hermosa nga residente sang nasambit nga lugar.

Base sa imbestigasyon sang mga pulis kaupod nga naga- inom inom si Hermosa kag suspek nga si Jomarie Maquiling, 48 anyos.

Ginpahayag nga nagapataas-taas istorya ang duha pero naglikaw kag nagpauli si Hermosa.

Lipod sa iya ihibalo nga ginsundan siya sang suspek kag ginbuno gamit ang kutsilyo.

Murder ang kaso nga posible ipasaka sa suspek. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply