Iloilo – Arestado sang Janiuay police sanday Cezar Mateo, 33 sang Brgy. Taslan, Tapas, Capiz; Jimmy Triso, 39 sang San Miguel Ilawod, Tapas kag si Jay Porras, 35 sang Zarrague, Pototan bangod sa pag-trasaksyon sang illegal nga mga pusil.

Suno kay Pol. Cap. Dadje Delima, hepe sang Janiuay MPS, nadakpan ang tatlo sa Brgy. Don T. Lutero East, Janiuay las-dos subong nga hapon, Mayo 27, matapus nakabaton sang tip nga may naga-trasaksyon sang illegal nga mga pusil sa lugar.

Ginpahayag ni Delima nga dakop sa akto sanday Triso kag Porras nga ginabaligyaan si Mateo sang .45 nga pusil nga naga balor P13,000.

Na-recover sang Janiuay police ang duha ka unit sang .45 calibre, 12-gauge homemade shotgun, tatlo ka unit sang empty .45 magazine, duha ka cellphone kag motorsiklo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply