Manugtanum sang sandiya, ginbuno-patay sang kasubong nga manugtanum sang sandiya sa San Miguel

San Miguel, Iloilo— Patay ang manugtanum sang sandiya matapos ginbuno sang kasubong niya nga manugtanum sang sandiya sa Barangay 8, San Miguel las 11:30 kagab-i, Mayo 30.

Ginkilala ang biktima kay Aaron Niel, 26-anyos sang Kalibo, Aklan nga napilasan sa dughan.

Suspek sa pagbuno si Alan Sigua sang Barangay Lawigan, San Joaquin nga na-aresto sang mga pulis.

Antes natabu ang krimen, naga-inum-inom ang biktima kag suspect bangud bag-o lang sila tapos harvest sang sandiya.

Suno kay Police Master Sergeant Glen Gasapo, imbestigador sang San Miguel Police Station, nagbaisay ang duha tubtob naggabot sang kutsilyo ang suspek.

Daan nga hiligut-anon ang ginasunod nga anggulo sang San Miguel Police sa insidente.

Na-recover sang pulis sa crime scene ang kutsilyo nga ginapatihan gingamit sang suspek sa pagbuno sa biktima. (JoMaque)