Antique — Siyam ka balay ang totally damaged bangud sa paglabay sang buhawi sa Barangay Badiangan, Patnongon, mga las 3 kahapon sang hapon, Mayo 31.

Suno kay Sangguniang Kabataan Chairman Amcel S. Andico, lakip man sa naguba ang stage sang T. Dela Cruz Elementary School sa Barangay Badiangan.

Wala naman sang may ginreport nga napilasan sa insidente.

Madasig nga nagresponder ang mga personnel sang Municipal Disaster Risk Reduction Management Team para sa rescue kag clearing operations.

Temporaryo naman nga nagtukod sang ila hayob-hayob ang mga apektado nga pamilya agud may matulugan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply