Iloilo City — Nadakpan sang asawa ang iya bana nga may upod nga iban nga babaye samtang naga-drive sang jeep malapit sa LaPaz Police Station pasado las 10 kagab-i, Mayo 31.

Suno kay Police Patrolman Romeo Gustilo sang LaPaz Police Station, nakit-an nila nga pa-pwersa nga ginapaguwa sang asawa ang babaye nga ginapatihan niya kerida sang iya bana sa front seat sang jeep kabangdanan dali-dali nila nga ginresponderan.

Naglawig pa suno kay Gustilo sang pila ka minutos ang pagbina-isay sang duha tubtob nga gindala sa police station.

Una diri, ginpahayag nga nagpangayo sang assistance ang asawa sa LaPaz Police para madakpan sa akto ang iya bana.

Upod sang asawa nga nagbantay sa iya bana ang ila 12-anyos nga bata.

Sa imbestigasyon sang Lapaz Police, madugay na nga ginadudahan sang asawa ang iya bana nga may kerida kabangdanan ginbantayan niya kagab-i.

Ginrason naman sang bana nga abyan niya lang ang babaye.

Nag-aregluhanay naman ang magtimbang nga kampo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply