Iloilo City — Pabor si Councilor Ely Estante sa proposed Anti-Counterflowing Ordinance ni Councilor Lyndon Acap.

Suno kay Estante, wala sang problema ang ginaduso nga ordinansa bangud makapaayo man ini sa mga pumuluyo.

Puwede man suno sa iya nga businahan na lang imbes mag-overtake kon mahinay ang ginasundan nga salakyan.

Gina-define sa proposed ordinance nga counterflow na ang pag-overtake.

Suno naman kay Public Safety and Transportation Management Office (PSTMO) Head Jeck Conlu, mas maayo kon may ordinansa agud indi na kinahanglan nga ipa-deputize sa Land Transportation Office (LTO) ang mga traffic aides.

Ginpahayag ni Conlu nga kun mahinay gid man ang ginasundan nga salakyan, businahan na lang kag indi mag-counterflow.

Isa man sa mga concerns suno kay Conlu nga sa mga intersection, may mga salakyan nga kon red light kag kun nagadali, naga-liko sila kag naga-counterflow.

Dugang pa ni Conlu, diskusyunan pa man sa public hearing ang ginaproponer nga ordinansa kag i-define pa sang husto ang counterflowing. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply